Onte fomos visitar o Punto Limpo de Pontedeume. Alí o empregado municipal e o técnico da empresa, Bieites e Manuel, explicáronnos o seu funcionamento, horarios, tipos de voluminosos, reutilización dos mesmos... Que importante para a conservación do noso Medio a boa utilización do Punto Limpo! Non é?

BREAMO 2015...

 O pasado venres, 13 de novembro, a rapazada dixital deixou por un día os ordenadores e fumos visitar a CAPELA DE BREAMO. Despois dunha subida algo accidentada por mor dos eucaliptos que atopamos no medio do camiño e dalgúns lameiros que tivemos que sortear, chegamos á capela e alí, Juan abriunos a porta para amosarnos o seu interior. Estivemos repasando as carácterísticas básicas do románico e vimos as dúas imaxes de san Miguel e os capiteis característicos desta construción. Algúns atrevéronse a dar as voltar arredor da igrexa (algún moitas voltas!!!) e finalizamos investigando a flora da contorna e admirando algúns cogumelos. Antes de regresar oBservamos o VÉRTICE GEODÉSICO que está próximo á capela. Regresamos pola carretera parando no mirador... que mágoa!!!...os eucaliptos tapan a preciosa vista que debeu  haber algún día...

BREAMO 2015 - Kizoa Movie Maker

MAGOSTO - PEÓN 2015

      O  pasado mércores 11 de novembro, San Martiño, celebramos no colexio a festa conxunta do MAGOSTO e do DÍA DO PEÓN. Primeiro foron as castañas as protagonistas e despois os peóns os que brincaron e brincaron... Pais, avós,... acompañáronnos neste día e amosáronnos  as súas habilidades...

peón-magosto 2015 - Kizoa Movie Maker

O venres faremos unha ruta de sendeirismo ben interesante, con vistas inmellorables do río, da ría, da nosa vila...Ademais de ver a vexetación do monte Breamo poderemos visitar a capela de San Miguel, un tesouro do románico, que nos recorda a importancia que tivo Pontedeume no Medievo. Podedes pescudar na rede sobre esta igrexa e ler os carteis informativos que hai fóra dela, pero para ir abrindo boca ollade as características das construccións do románico e despois buscádeas na nosa capela. Seguro que atopades máis de unha.

FESTAS DO OUTONO: Hai nada comezabamos en 6º e xa estamos a metade do 1º trimestre.O Samaín xa pasou e este ano faremos coincidir na mesma data, o 11 de novembro, dúas conmemoracións: O Día do Peón e o Magosto. NÓS teremos que redactar e ler o Manifesto para ese día, no que moito falaremos das buxainas, sen esquecer as castañas. Ánimo rapazada que vós podedes!!! Collede xa o voso peón e a practicar. Teremos que buscar tamén refráns, ditos, adiviñas etc .Textos populares que falen das buxainas, do Magosto, do San Martiño.E presentalos nun formato axeitado para expoñer polos corredores do centro.

Premendo nas IMAXES do peón  e das castañas accederedes a  información sobre as buxainas e as  castañas.